ПОЧНУВА МЕЃУНАРОДНАТА ЛИКОВНА КОЛОНИЈА „СКОПЈЕ 2016“ 22.8.2016
Во организација на Град Скопје, Музејот на град Скопје и хотелот „Солун“ денеска /22.08.2016 година/ почнува со работа 11.Меѓународна ликовна колонија „Скопје 2016“ и ќе трае до 1 септември.
Учесниците во Меѓународната ликовна колонија „Скопје 2016“ ќе престојуваат во хотелот „Солун“, лоциран во централното јадро на Скопје, а ќе творат во просториите на Музејот на град Скопје. Со оглед на тоа што централното градско јадро е пешачка зона намерата на организаторите е на учесниците на колонијата да им се предочи богатата разноликост од архитектура, културна историја и традиција. Во близината се наоѓа и Старата скопска чаршија која е интересна по својата архитектура и старите занаети и претставува една од најголемите ориентални чаршии на Балканот.
Оваа година на своите ликовни дела потпис ќе стават десет академски ликовни уметници, припадници на различни генерации и творечки определби, кои живеат и создаваат во различни средини - Марина Лешкова, Олгица Антовска, Дороти Пачкова, Беган Деари, Александар Поповски и Глигор Васков од Македонија, како и Ноел Андре Периер од Франција, Александра Мириќ од Србија, Предраг Пеѓа Ракиќевиќ од Србија и Петја Денева од Бугарија.
Меѓународната ликовна колонија „Скопје 2016“ традиционално се одржува под покровителство на градоначалникот на Град Скопје, Коце Трајановски.
- ВЕСТИ
- 13.09.2024 - Соопштение за јавност
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност