Градот Скопје, Комисијата за односи со верските заедници и религиозни групи и Скопската Бискупија Ве покануваат на прес-конференцијата што ќе се одржи утре /26.08.2016 година, петок/ во 11 часот, во салата до Кабинетот на градоначалникот на Град Скопје (бул. Илинден бр. 82, барака 4).

На прес-конференцијата ќе биде презентирана програмата на Татковинската прослава „Денови на св. Мајка Тереза“, која ќе се одржи во Скопје од 4 до 11 септември 2016 година по повод нејзиното прогласување за светица на 4 септември 2016 година во Ватикан од страна на папата Франциск.

На прес-конференцијата ќе се обратат градоначалникот на Град Скопје, Коце Трајановски, директорката на Комисијата за односи со верските заедници и религиозни групи, Валентина Божиновска и бискупот скопски и апостолски егзарх, Киро Стојанов.