Утре /26.05.2016 година, четврток/ во 11 часот во Салата на Советот на Град Скопје (барака број 13) градоначалникот на Град Скопје, Коце Трајановски, ќе им додели пофалници и благодарници на претставници од спортските екипи од 29 средни училишта од Скопје, за постигнатите успеси во средноучилишните лиги на Град Скопје, за учебната 2015/2016 година.

Пофалници ќе бидат доделени за освоени пехари и медали во натпреварите од средноучилишните лиги на ниво на Скопје и на државно ниво, а благодарници ќе бидат доделени на преостанатите учесници во лигите.