Делегација на Град Скопје денеска /18.05.2016 година, среда/ во чест на 144 годишнината од раѓањето на македонскиот револуционер, Јане Сандански, положија цвеќе  пред споменикот кој се наоѓа во истоимениот парк во Аеродром.

Пред споменикот на големиот револуционер цвеќе положија и делегации од општините во Скопје, културни институции и јавни претпријатија, како и граѓански здруженија.

Јане Сандански, кој бил познат како Сандан или како Пирински цар, е роден на 18. мај 1872 година во Влахи, Пиринска Македонија. Тој бил истакнат револуционер и војвода. Бил убиен во месец април 1915 година, на 43-годишна возраст.