Утре /27.07.2016 година, среда/, Културно Информативен Центар – Скопје и Градот Скопје, организираат два настани, односно ќе ги реализираат  проектите „Скопје чита“ и Циклус „Доаѓаме“, што ќе придонесат за збогатување на културниот живот на граѓаните во овие топли летни денови.

„Скопје чита", е настан кој ќе се одржи  на  Скопското Кале од  13:00 часот до 20:00 часот.

Голем број  еминентни  писатели и граѓаните од сите возрасти се поканети да прочитат книжевни текстови како поезија, проза и слободни теми. Ќе се чита на македонски, албански јазик и на други странски јазици.

На плоштадот пред Штуловиот универзитет  во Старата скопска чаршија во  21 часот ќе се одржи настанот Циклус “Доаѓаме....“, односно концерт на Џез бендот, Шеки Хоџа & Пријатели и групата XXL – Band.