Денес /09.04.2017 година, недела/ во Градскиот парк се одржа петтата Авицена женска трка, која се одржува како дел од промотивните трки на Виз Eр Скопски Маратон 2017.

На трката присуствуваше и градоначалникот на Град Скопје, Коце Трајановски, кои додели дел од наградите за најдобрите во трката.

Оваа трка секоја година добива се поголема популарност и масовност, а оваа година Авицена Женската трка е влезена во календарот на Европската Атлетска Асоцијација.

На Авицена женска трка учество зедоа рекордни број на учесници, каде за   овогодишната трка се пријавија повеќе од 1500 учеснички.

Трката е во должина од 2 километри и медали и дипломи беа доделени за 3-те најдобри натпреварувачки во повеќе возрасни категории, и тоа за возраст до 12, 14, 18, 30, 40, 50 и над 50 години.

Во генералниот пласман на петтата Авицена женска трка победи Бојана Наумовска, која истрча со време од 7:19. Второто место го освои Виолета Ивановиќ, додека трета заврши Мелита Ромих.  

Целосните резултати од трката може да се видат на интернет порталот – www.zenskatrka.mk .

 

Авицена женска трка е во организација на Сојуз на спортови на Скопје, а под покровителство на Град Скопје, како дел од промотивните трки на Виз Ер Скопскиот Маратон 2017.

За посебниот придонес за организацијата на Женската трга, организаторите доделија и благодарница за Градот Скопје.