![](/media/1044/sk-2.jpg)
БЕЛА НОЌ 2018 30.5.2018
На 6.10.2018 е закажана 14. БЕЛА НОЌ. Младинскиот културен центар и Градот Скопје, распишаа ПОВИК ЗА УЧЕСТВО на уметници што на есен ќе бидат дел од ова целодневно културно будење на Скопје.
Годинава, како и секоја БЕЛА НОЌ, ќе бидат опфатени следниве области: визуелни уметности (ликовна уметност, фотографија, инсталација, видеоарт, стрип) како и применети уметности (архитектура, визуелен/индустриски/веб-дизајн, мода, дигитални креации, видеоарт и инсталации), музика, филм и јавна уметност и урбани изведби и перформанси.
Селекцијата на уметниците ќе ја направат организаторите. Учесниците ќе бидат селектирани врз основ на поднесените апликации. Квалитет, иновација и карактер во опсег на предложениот концепт, се главните критериуми при селекцијата на уметниците и нивните дела. Дополнително, дозволени се сите уметнички форми и медиуми реализирани со кои било инструменти или техники.
Тематската целина, која ќе ги обедини проектите на годинешното издание на БЕЛА НОЌ е темата ИНСТАЛАЦИЈА СКОПЈЕ.
ИНСТАЛАЦИЈА СКОПЈЕ претставува интервенција на уметниците во конкретен простор, преку кој се модификува перцептивното искуство на набљудувачот, а самиот простор се збогатува со ново значење.
Подетално, тематската замисла на ИНСТАЛАЦИЈА СКОПЈЕ е овозможување на разни видови инсталации, кои ќе бидат во контекст на урбаното живеење генерално, но и гледање на Скопје преку сите негови урбани културолошки и еколошки проблеми. Во галериите може да се остваруваат и нетематски инсталации и перформанси.
Со цел да земат учество на повикот, уметниците треба да ги поднесат следниве документи:
- биографија со личните податоци за уметникот или групата;
- фотографии, скици и цртежи;
- промотивни материјали (доколку ги има): каталог, брошура, рецензии, осврти...;
- пополнета и потпишана апликација (во продолжение).
Апликациските форми заедно со дополнителните документи треба да бидат испратени најдоцна до 1јуни 2018 година, на следниве адреси:
Младински културен центар, со назнака (ЗА БЕЛА НОЌ 2018),
Кеј Димитар Влахов 15. 1000 Скопје, Македонија
или по пат на електронска пошта на contact@belanok.mk
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност