Некои наши граѓани, поради различните животни околности, загуби, сиромаштијата останале без дом и услови за ноќевање. Отсуството на социјална поддршка од блиски роднини и пријатели, недоволната исхрана, облека и недостатокот на грижата за себе, уште повеќе ја влошува нивната здравствена состојба и ги изложува на други многубројни ризици.

Градот Скопје во Црвениот крст на град Скопје го препозна вистинскиот партнер за решавање на ова прашање.

Секоја година,  Градот Скопје финансиски го поддржува Прифатилиштето за згрижување и привремено прифаќање на лицата бездомници кое овозможува  засолниште, дневен престој со оброк, здравствена заштита, услови за одржување на хигиената и други психосоцијални услуги.

Денеска  по повод Новогодишните празници, Градоначалникот на лицата без дом им подели пакети со облека ( вреќи за спиење, зимски топли јакни, сет капа шал и ракавици, кабаница, ѕиври и топли чорапи). Предновогодишната атмосфера беше одбележана и со заеднички топол оброк.

Во 2019 година издвоени се средства за проширување на капацитетот на пунктот за унапредување на услугите кои ги добиваат бездомните лица.