![](/media/1291/postaveno-ginko-i-tabla-nalslovna.jpg)
ЗАСАДЕНО ДРВО НА ЧОВЕКОВИ ПРАВА НА МЕСТОТО НА ЌОСЕТО 29.8.2018
Градоначалникот Шилегов, заедно со заменик-министерот за надворешни работи на СР Германија Михаел Рот, претседателката на Градскиот совет на партијата СПД во Нирнберг, Ања Прелс-Камерер и амбасадор на СР Германија Томас Герберих и претставници од збратимениот град Нирнберг, денеска одржаа прес-конференција пред Судска палата.
- На оваа локација на која пред нешто повеќе од 2 месеци беше отстранета дивоградбата на која беше поставен споменикот на Андон Лазов Јанев –Ќосето, денеска е засадено дрвото на човековите права. Поставувањето на споменикот на Ќосето пред зградата на судот беше сфатено како порака за партиска послушност на судиите на тогашната власт. Но, отстранувањето на споменикот и засадувањето на таканареченото дрво на човекови права на местото на постаментот-дивоградба е симбол на почитување на законитоста, правдата и правичноста - истакна Шилегов.
Дрвото кое ја замени дивоградбата е од видот Гинко, симбол на правата на човекот.
Токму затоа покрај дрвото ќе биде поставена изгравирана плоча која ќе потсетува на правото на праведно и јавно судење на секој граѓанин пред независен и непристрасен суд изразено во Универзалната декларација за човекови права на Обединетите нации.
- Плочата која е донација од збратимениот град Нирнберг ќе упатува порака дека во судот правдата се дели непристрасно. Судството ќе биде независно и ослободено од политичка контрола. Еднаквоста на граѓаните пред законот е гарантирана. Со овој потег Градот ја избира симболиката на законитоста пред нелегалноста, правдата пред партиската послушност, животот пред бронзата и бетонот – нагласи Шилегов.
Тој, додаде и дека секое засадено дрво остава траен белег во влогот за подобар живот за сите, а секој чекор преземен од градската администрација е во насока на подобрување на условите за живот на сите граѓани.
Шилегов се заблагодари на збратимен град Нирнберг за донацијата на плочата и за поддршката што ја дава на Град Скопје.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност