ДЕЛЕГАЦИЈА ОД ГРАДОТ НАНЧАНГ ВО ПОСЕТА НА ГРАД СКОПЈЕ 25.2.2016
Градоначалникот на Град Скопје, Коце Трајановски и претседателот на Советот на Град Скопје, Ирена Мишева, денеска /04.02.2016 година, четврток/ остварија средба со делегација од збратимениот град Нанчанг, Народна Република Кина.
Делегацијата од Нанчанг е предводена од Веи Гуохуа (Wei Guohua) заменик директор на Извршниот комитет на Народниот конгрес на Нанчанг, а во делегацијата има претставници од локалната и од регионалната власт од областа на меѓународната соработка, културата и односите со јавноста.
Градоначалникот Трајановски на гостите им пожели добредојде и изрази надеж дека истите ќе имаат убав престој во Скопје. Тој потенцираше дека Скопје и Нанчанг имаат богата историја на успешна соработка во многу области и изрази надеж дека истата ќе продолжи и во иднина.
- Скопје и Нанчанг се збратимени 31 година, а ова е втора година по ред во Скопје да се одбележи Кинеската Нова година со настап на културнен асамбл од Нанчанг. На средбата разговаравме за соработката помеѓу двата града, која е добра, како и за повеќе форми за продлабочување на истата. Во насока на продлабочување на соработката планираме во текот на оваа година делегација од Скопје да го посети Нанчанг, а како потенцијални области за развивање на соработката се економската соработка и туризмот, кажа градоначалникот Трајановски.
Господин Веи Гуохуа се заблагодари за убавиот прием и ги пренесе поздравите од жителите на Нанчанг, притоа упатувајќи покана до жителите на Скопје и Македонија да ја посетат Кина и Нанчанг.
Вечерва во 19:30 часот во Македонскиот народен театар, по повод Кинеската Нова година ќе се одржи музичка и танцова претстава на културниот ансамбл од Нанчанг.
- ВЕСТИ
- 13.09.2024 - Соопштение за јавност
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност