Во рамките на проектот ЕПИКУРО од програмата на Европскиот механизам за цивилна заштита, на 27.04.2018 година беше реализиран првиот од трите денови наменети за локалната обука на која во рамките на секоја од сесиите присуствуваа 30-40 учесници од повеќе од 15 различни органи и сектори на локално и централно ниво.  Другите два термини во кои се одржа обуката беа 4 и 11.5.2018 година. На обуката и претходеше финално дефинирање на програмата и интензивна координација за избор на најдобрите и најсоодветните предавачи. Програмата за локална обука беше дефинирана на начин кој кореспондира со избраната тема на пилот-тестот и се однесува на справувањето со урбаните топлотни острови. Во обуката покрај стандардизираните теми беа опфатени прашања кои имаат локален карактер и произлегуваат од состојбите во Град Скопје поврзани со познавањата и искуствата вработените со наведената тема.