Под мотото „Да ги победиме лошите животни навики - градиме здрава, зелена и органска иднина!“ денеска /10.06.2017 година/ во паркот „Жена Борец“ се одржува седмиот по ред Фестивал на органска храна.

Целта на фестивалот е да биде дестинација за презентација, промоција и дегустација на органска и здрава храна преку која граѓаните ќе имаат можност да добијат повеќе информации за здравиот начин на живеење.

Во изложбениот дел - Органска улица - се претставуваат голем број органски производители преку промоција и дегустација на нивните производи, застапена е богата едукативно-забавна програма, со работилници за сите возрасти и дебати за здравиот начин на исхрана, многу музика, спорт и рекреација.

Оваа традиционална манифестација се одржува под покровителство на Градот Скопје, а во организација на Друштвото за применети истражувања и перманентно образование во земјоделството Скопје.