Екипите на штабот за заштита и спасување дејствуваат на терен во насока на гаснење на активните пожари кои се појавија на повеќе локации во скопскиот регион.

Денеска екипите на Противпожарната бригада на Скопје, како и екипите на јавното претпријатие „Паркови и зеленило“ интервенираа на пожар на борова шума над село Барово, во подножјето на планината Водно.

На терен интервенираа над 40 луѓе со 8 специјални возила, при што пожарот е изгасен, а екипите внимателно ќе ја следат состојбата на терен.

Пожар е пријавен и во населеното место Крушопек, Општина Сарај, каде веднаш на терен излегоа екипите на Противпожарната бригада на Скопје и интервенираат на терен.