Во Салата за седници на Советот на Град Скопје,  утре /11 март 2016 година, петок/ во 13 часот ќе се одржи Комеморативна седница за одбележување на 73 години од депортацијата на 7144 македонски Евреи во логорот Треблинка.

На седницата ќе присуствува и градоначалникот на Град Скопје, Коце Трајановски, кој традиционално, на овој ден се среќава со делегација на Еврејската заедница во Македонија.

Во 10 часот, делегација од  Град Скопје, по повод одбележување 73 години од депортацијата на македонските Евреи во Треблинка,  ќе положи цвеќиња пред споменикот кај Тутунски комбинат (скопскиот Монопол).

Делегација од Градот Скопје цвеќиња ќе положи и во 11:30 часот пред могилата на загинатите Евреи во Треблинка на Еврејските гробишта – Бутел.