Во петок /21.07.2017 година/ во 10 часот во Салата на Советот на Град Скопје, ќе се одржи јавна расправа во рамките на проектот ‘’Подготовка на потребни документи за воспоставување на интегриран и финансиски одржлив систем за управување со отпад во Пелагониски, Југозападен, Вардарски и Скопски плански регион’’.

Станува збор за проект кој е финансиран од Инструментот за предпристапна помош на Европска Унија – ИПА, организирана од страна на Министерството за животна средина и простпрно планирање на Република Македонија и Секторот за животна средина на Град Скопје.

На јавната расправа ќе биде претставена Студијата за оцена на влијанието врз животната средина (ОВЖС) за Скопскиот регион која беше подготвена во рамките на проектот.