Одборот за доделување на Наградата „13 Ноември“ на Град Скопје, го распиша Конкурсот за доделување на Наградата „13 Ноември“ за 2017 година.

Наградата „13 Ноември“ се доделува на физички и правни лица како знак на признание на Градот Скопје за остварувања, во стопанството, науката, уметноста, културата, воспитанието и образованието, здравствената и социјалната заштита, спортот и физичка култура, техничката култура, заштита и унапредувањето на животната средина и природата, како и во други сегменти на животот, трудот и творештвото, што претставуваат посебен придонес за развојот на Градот Скопје и за неговит севкупен напредок и афирмација во Република Македонија и во светот. Наградата може да се додели и на физички и на правни лица од други држави кои оствариле посебен придонес за Градот. Исто така, Наградата се доделува и на ученици и на студенти за творечки труд или континуирани успешни постигнувања во наставните и воннаставните активности што преставуваат посебен придонес за напредок и афирмација на Градот Скопје.

Конкурсот беше објавен во весниците:  „Дневник“, „Вечер“ и „Коха“.

Пријавите за Наградата со образложение и кратка биографија се поднесуваат до Одборот за доделување на Наградата заклучно со 10 септември 2017 година, (архива-барака број 16 на Град Скопје, бул.„Илинден“ бр. 82, Градски парк).

Наградите се врачуваат на посебна свеченост на која  Градоначалникот на Град Скопје, на 13 Ноември - Денот на ослободувањето на градот.