CREART – OТВОРЕН ПОВИК ЗА УМЕТНИЧКИ ПРЕСТОЈ ВО СКОПЈЕ 04.3.2019
Град Скопје ги известува уметниците кои живеат и работат во Скопје дека во соработка со ЈУ „Културно Информативен Центар (КИЦ)“ е распишан отворен повик за уметнички престој во Скопје, во периодот од 20 мај до 20 јуни 2019 година, како дел од активностите на европскиот проект на мрежата Креарт (CreArt - http://creart-eu.org) поддржан од програмата на Европската комисија „Креативна Европа“.
Повикот се однесува за уметнички престој и работа во Скопје за двајца уметници: еден уметник кој живее и работи во Скопје и еден уметник кој доаѓа од 11-те градови-учесници во проектот CreArt.
Уметниците треба да работат во просториите на „Културно Информативен Центар“ во периодот од 20 мај до 20 јуни, а на крајот од престојот ќе се организира изложба со новосоздадените дела.
УСЛОВИ ЗА УЧЕСТВО:
• Организаторот (Културно информативен центар) ќе ги покрие патните трошоци и сместувањето за уметникот кој доаѓа мрежата на градови Creart, трошоци за престој до 400 евра, а ќе бидат обезбедени материјали за работа во износ не поголем од 500 евра;
• За уметникот кој доаѓа од Скопје организаторот (Културно информативен центар) ќе ги покрие локалните патни трошоци, дневни трошоците до 100 евра и ќе бидат обезбедени потребни материјали за работа во износ не поголем од 500 евра;
• Секој уметник ќе добие 250 евра како авторски надомест за изложбата;
• Избраните уметници ќе ги користат просторните и техничките капацитети на „Културно информативен центар“;
• На крајот на престојот ќе се организира изложба на двајца уметници со уметничките дела направени за време на работниот престој во “Културно информативен центар“.
ПОТРЕБНИ ДОКУМЕНТИ:
Апликантите мора да обезбедат во еден документ PDF:
• Лична карта или пасош (скенирана копија);
• Кратка биографија и целосно портфолио со уметнички дела;
• Краток предлог-проект (една страна од А4)В
• Графичка документација поврзана со престојот
Рокот за пријавување е до 20 април 2019 година.
CreArt (Мрежа на градови за уметничко творештво) претствува европска мрежа составена од градови и од јавни и приватни културни институции. Целта на проектот е да одговори на одредени потреби што ги споделуваат европските културни институции и уметници: да го максимизираат економскиот, социјалниот и културниот придонес кој визуелните уметности можат да ги направат со подобра поддршка на уметниците, менаџерите, индустријата и пошироката јавност, овозможувајќи им да креираат, изложуваат и да уживаат во уметничките дела, како и да добијат пристап до обуки преку семинари, резиденции на уметници, работилници и истражувачки програми.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност