Во организација на Град Скопје, денеска по повод Денот на планетата Земја во Едукативниот центар на Зоолошката градина се одржа краток еко-час на тема „Вредноста на дивите видови“.

Презентација за природните богатства, видовите животни и растенија беше одржана од страна на Биљана Стевановска во рамки на проектот „Зајакнување на капацитетите на локално ниво за спроведување на европското законодавството во областа на заштита на природата“, односно промовирање на „Натура 2000“ што ги почитува и сака да ги заштити на ниво на Европа сите можни видови на растенија и животни.