ПАКЕТЧИЊА НА ДЕЦАТА ШТО ГО ПОСЕТУВААТ ДНЕВНИОТ ЦЕНТАР ЗА РЕХАБИЛИТАЦИЈА И РЕСОЦИЈАЛИЗАЦИJA 02.2.2016
По повод новогодишните и божиќните празници, претставници од Секторот за јавни дејности, Одделение за социјална, детска и здравствена заштита на Град Скопје го посетија Дневниот центар за рехабилитација и ресоцијализација на лица кои употребуваат дроги и на нивните деца, кои го посетуваат центарот, им подарија 20 новогодишни пакетчиња.
За време на посетата децата во едукативна работилница изработија честитки со искрени желби за Новата година.
Центарот е отворен во септември 2012 година и работи секој ден од понеделник до петок, од 11 до 16 часот. Во Центарот најголема помош добиваат лицата кои употребуваат дроги, преку психосоцијална поддршка од психолог и психијатар, образовни и советодавни активности и активности за креативно изразување, со цел поддршка во процесот на рехабилитација. Исто така, во дневниот центар се работи со семејствата на лицата кои употребуваат дроги и со нивните деца. За децата е обезбедена педагошка и психосоцијална поддршка, со цел поддршка во нивниот развој и поттикнување на креативниот потенцијал.
Во Програмата на Центарот за рехабилитација и ресоцијализација на лица кои употребуваат дроги и нивните семејства се опфатени 120 лица, а Дневниот центар го води Здружението ХОПС – Опции за здрав живот.,
За поддршка и реализирање на програмата во Центарот за рехабилитација и ресоцијализација од Буџетот на Град Скопје за 2015 година, беа издвоени 800 000,00 денари.
- ВЕСТИ
- 13.09.2024 - Соопштение за јавност
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност