Утре /04.02.2016 година, четврток/ градоначалникот на Град Скопје ќе оствари средба со официјална делегација на збратимениот град Нанчанг, Народна Република Кина, предводена од Веи Гуохуа (Wei Guohua), заменик директор на Извршниот комитет на Народниот конгрес на  Нанчанг.

Средбата ќе се одржи во Салата за состаноци на Градоначалникот на Град Скопје (бул. „Илинден“ 82, барака 4). Инсерти од средбата може да се направат во 11:30 часот, додека изјави за медиумите ќе бидат дадени во 12 часот, во просторот за изјави пред салата за состаноци на Градоначалникот (барака 4).

Вечерта во Македонскиот народен театар во 19:30 часот, по повод Кинеската Нова Година, ќе се одржи музичка и танцова претстава на културниот ансамбл од Нанчанг.