Градот Скопје Ве поканува на потпишувањето на анексот на меморандумот за разбирање за студијата за финансирање, изградба и работа на пречистителна станица за град Скопје, што е закажано за утре (13.12.2017 година, среда) во 12 часот, во салата до Кабинетот на градоначалникот на Град Скопје (барака број 4).

На потпишувањето на документот ќе присуствуваат градоначалникот Петре Шилегов, министерот за животна средина и просторно планирање, Садула Дураку и претставникот на компанијата „Ежис“, Мирослав Влахов.