![](/media/1988/polozovanje-cveke-26-juli-2017-naslovna.jpg)
ЦВЕЌЕ ЗА ЗАГИНАТИТЕ ОД ЗЕМЈОТРЕСОТ ВО СКОПЈЕ 07.8.2017
Денеска, на Градските гробишта во Бутел, официјални делегации и претставници на институции положија цвеќиња пред споменикот на жртвите од катастрофалниот земјотрес што се случи во 1963 година и го остави Скопје под урнатини.
Цвеќиња во спомен на жртвите во катастрофалниот земјотрес положи и официјална делегација на Градот Скопје, составена од градоначалникот Коце Трајановски и Претседателот на Советот на Град Скопје, Ирена Мишева, делегација на Владата на Република Македонија, делегација на Собранието на Република Македонија, делегација на Советот на Град Скопје, делегација од Министерството за одбрана на РМ, делегации од политичките партии, делегации од сите општини на Град Скопје, делегации од дипломатскиот кор во Македонија и делегации од здруженија на граѓани и други организации.
Цвеќиња положија и делегации на јавните претпријатија и културните установи на Град Скопје и членовите на Црвениот крст, како и припадници на други јавни институции од земјава оддавајќи им почит на жртвите во катастрофалниот земјотрес во далечната 1963 година.
Во Домот на хумантирани организации „Даре Џамбаз“ денеска од 9 до 17 часот сите хумани граѓани ќе можат да даруваат крв на традиционалната крводарителска акција на Црвениот крст на град Скопје.
Мултимедијалниот културниот настан „МКЦ за Скопје“, кој традиционално се одржува за 26 јули, со цел да се потсетиме на солидарноста и хуманоста на скопјани, денеска ќе почне со отворање на изложбата на Димитар Аврамовски Пандилов, а освен оваа изложба, во фоајето на МКЦ ќе биде поставена изложбата на фотографии на Вацлав Шваб / ЕПК Плзен 2015,Чешка, а на тревникот пред МКЦ ќе бидат поставени фотоинсталации од фотографите: Ан д` Гела, Максим Делво, Герт д` Таје, Ален Бреје / ЕПК Монс 2015, Белгија. На платото ќе биде прикажан и филмот Messages from the Border (68`), ЕПК Сан Себастијан 2016, Шпанија (програма во организација на „Конгресен центар Александар Македонски“).Вечерта ќе заврши со концерт на RIB, Sweet Rapscallions, Anna O. и Mark Olson &Ingunn Ringvold (САД).
Вечер во Музеј на град Скопје, во 20 часот, градоначалникот Коце Трајановски ќе им се обрати на присутните и ќе ја отвори изложбата „Скопје – архиТРАНСформа“: „Архибелези“ и „Concrete мemories“, фотографии на Матијас Шуман, Дрезден, Германија.
Под мотото – „Скопје го слави животот„ во 21 часот на Плоштад Македонија ќе се потсетиме на се она што значи овој датум, на подадената рака од целиот свет, како и на оние што трагично го загубија својот живот.
- ВЕСТИ
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ