![](/media/1379/poseta-na-punktot-za-bezdomnici-naslovna.jpg)
ПУНКТОТ ЗА БЕЗДОМНИЦИ ЌЕ БИДЕ ОТВОРЕН 24 ЧАСА 01.1.2018
Градоначaлникот Петре Шилегов, министерката за труд и социјална политика, Мила Царовска и секретарот на Црвениот крст на Град Скопје, Сузана Тунева Пауновска го посетија Пунктот за бездомници во Момин Поток, кој од вечер ќе биде отворен 24 часа за згрижување на бездомните лица на територијата на Скопје поради најавата на студен бран.
Овој пункт на бездомниците ќе им обезбеди 24 часовна услуга следниве три месеци, односно во декември, јануари и февруари, и дополнително ќе бидат ангажирани 40 волонтери на Црвениот крст коишто ќе се грижат за нив.
- Градот Скопје се грижи на секаков можен начин да им излезе во пресрет на бездомните лица кои живеат на овие простори. Станува збор за наши сограѓани на кои им е неопходна помош, пред се во форма на сместување. Скопје е солидарен град. Наша цел е да им помогнеме на овие луѓе особено во зимскиот период кога ниските температури значително им ги отежнуваат условите за живот - изјави градоначалникот Шилегов.
Тој потенцираше дека планираат ставката во Буџетот на Градот за 2018 година којашто се однесува на поддршка на Прифатилиштето за бездомни лица да се зголеми од 500 000, колку што досега издвојувал Градот, на 700 000 денари.
- Скопје е град на сите. Секој жител на Скопје заслужува солидарност, заслужува покрив над главата, затоплено сместување, дневен оброк, средства за хигиена и лекарска помош. Наша заедничка обврска е преку координирани акции да ги обезбедиме сите овие услови и за бездомните лица - рече Шилегов.
Градот Скопје е во постојана комуникација со Министерството за труд и социјална политика и со Црвениот крст на град Скопје и континуирано им излегува во пресрет на потребите на овие наши сограѓани за да им се обезбедат елементарните услови за живот. Овој пункт располага со 32 кревета и санитарен контејнер со 4 туш кабини, поделен на машки и женски дел со што може да одговори на потребите на овие лица.
Министерката за труд и социјална политика, Мила Царовска го најави отворањето на 3 нови пунктови за бездомници во Битола, Струмица и во Струга.
Секретарот на Црвениот крст на Град Скопје, Сузана Тунева Пауновска, нагласи дека е одлична соработката со Град Скопје и со Министерството за труд и социјална политика, како и со дел од скопските ресторани коишто им донираат супи и топли оброци за бездомниците и приватните болници коишто им даваат лекарска помош на овие лица.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност