Илјадници граѓани денеска /06.06.2017 година, вторник/ присуствуваа на пречекот на ракометарите на Ракометниот клуб „Вардар“, кои ја освоија титула во Европската лига на шампиони во Келн, Германија.

Голем број на поддржувачи ги поздравија ракометарите на аеродромот „Александар Велики“ и по скопските улици по кои се движеше автобусот. Ракометарите  ги дочекаа и поздравија неколку илјади поддржувачи на Плоштадот Македонија.

Градоначалнникот на Град Скопје, Коце Трајановски на сите ракометари и раководството на РК Вардар им го честита историскиот успех, а на капитенот Стојанче Стоилов му додели плакета за особен придонес и афирмација на спортот.

Свечениот дочек на ракометарите на Вардар беше одранизирано од  Град Скопје, а од ЈСП СКОПЈЕ беше организиран бесплатен автобуски превоз за организиран пречек на ракометарите на аеродромот „Александар Велики“.