Вчеравечер /04.02.2016 година, четврток/ во Македонскиот народен театар, во рамките на активностите за соработка со збратениот град Нанчанг (Народна Република Кина), се одржа музичка и танцова претстава во изведба на културниот ансамбл од Нанчанг.

На претставата присуствуваа градоначалникот на Град Скопје, Коце Трајановски, претседателот на Советот на Град Скопје, Ирена Мишева, претставници на Владата на Република Македонија, претставници на дипломатскиот кор, претставници на регионалните и локаните власти од Кина, како и претставници од јавните претпријатија и културните институции.

По претставата, во Музејот на Македонската револуционерна борба се одржа свечен прием организиран од Амбасадата на Народна Република Кина во Република Македонија.

Одбелжувањето на Кинеската Нова година во Скопје, од Амбасадата на Народна Република Кина и збратимениот град Нанчанг се организира втора година по ред.