![](/media/1450/konferencija-otvoreni-moznosti-naslovna.jpg)
ПРОЕКТ „ОТВОРЕНИ МОЖНОСТИ“ 28.3.2018
Претседателката на Советот на Град Скопје, Љубица Јанчева, денеска (16.03. 2018 година), присуствуваше на официјалното отворање на ИПА проектот за социјално претприемништво „Отворени можности“, што се одржа во ЕУ Инфо Центар, Скопје.
- Познат е фактот дека територијата, просторот и околината ги диктираат условите на постоењето на една заедница. Во која и каква територија, простор и околина дејствуваат и опстојуваат ранливите категории на граѓани, повеќе не е, ниту пак може да биде неважно прашање, од некако за нас далечен институционален и егзистенцијален домен - нагласи Љубица Јанчева.
Таа додаде дека Град Скопје во соработка со организацијата ХЕРА преку овој европски проект „Отворени можности“, не само што покажува локално лидерство туку е и парадигма за потребната поддршка од локалните власти за развој на социјалното претприемништво, што води кон разобличување на идеолошките контури и до инклузивни и достапни просторни институции, пред сẻ за ранливите групи на граѓани.
- Град Скопје, преку партнерството склучено со проектот, ја покажува и практикува хуманоста, солидарноста, волјата и лидерството, преку конкретна техничка поддршка на потенцијалните социјални претприемачи и невладините организации, кои работат со ранливите категории на граѓани/ маргинализираните заедници на пазарот на трудот, со посебен акцент на жените Ромки, за да основаат социјални претпријатија, на територијата на Град Скопје - резимираше Јанчева.
Проектот „Отворени можности“ преку градењето на капацитетите и менторирањето, креирањето политики, како и вмрежувањето и пилотирањето на конкретни мерки ќе даде голем придонес за развојот на социјалното претприемништво. Понатаму, се предвидува и регрантирање за невладините организации, кои ќе бидат подготвени да формираат социјални претпријатија со цел инклузија на лицата од маргинализираните заедници на пазарот на трудот.
Едновремено, ќе се работи и на креирање локални политики за отворање социјални бизниси, преку изготвување локална стратегија и акциски план за Град Скопје.
Проектот „Отворени можности“, кој е финансиран од Европската Унија, од ИПА програмата за граѓанското општество и медиумите 2016-2017, официјално почнува од денескa и ќе трае 2,5 години (30 месеци). Станува збор за европски проект, на Асоцијацијата за здравствена едукација и истражување ХЕРА организиран во партнерство со Удруга за креативни развој СЛАП од Хрватска и Град Скопје.
Настанот го отвори Извршниот директор на ХЕРА, Бојан Јовановски, а присутните учесници и гости ги поздравија и претседателот на Удруга за креативни развој, СЛАП - Р. Хрватска, Соња Вуковиќ, и претставникот од ДЕУ, Нафи Сарачини.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност