![](/media/1920/uvid-vo-ul-todor-aleksandrov-naslovna.jpg)
ВО ЗАВРШНА ФАЗА ПРОЕКТОТ ЗА ПРОШИРУВАЊЕ НА УЛИЦАТА ТОДОР АЛЕКСАНДРОВ 10.11.2017
Проектот за реконструкција и проширување на дел од улицата Тодор Александров е во завршна фаза и неговата целосна реализација ќе биде комплетирана во наредниов период.
Увид во текот на градежните работи денеска /29.08.2017 година, вторник/ извршија градоначалникот на Град Скопје, Коце Трајановски и директорот на јавното претпријатие „Улици и патишта“, Синиша Ивановски.
- Улицата Тодор Александров е реконструирана и проширена на потегот од крстосницата со булеварот „Мајка Тереза“ и улицата „Белградска“, кај ОУ „Кочо Рацин“, до кракот на оваа улица што води кон Панорама, во должина од околу 600 метри. На оваа траса добивме нова модерна сообраќајница, со 3 сообраќајни ленти, додека од двете страни на коловозот се оформени велосипедски патеки коишто се спуштени на коловозот, како и тротоари со променлива широчина. Покрај главната улица, со овој проект беа реконструирани и дел од коловозите на повеќе улици кои што се вкрстуваат со улицата Тодор Александров, како што се улиците Белградска, Партение Зографски, Тасино Чешмиче и Славејко Арсов. Градежните работи на коловозот на улицата Тодор Александров беа искористени за да се реконструира дел од атмосферската, водоводната и фекалната мрежа, а поставено е и ново улично осветлување – кажа градоначалникот Трајановски.
Градоначалникот Трајановски изјави дека со реализацијата на овој проект ќе се зголеми проточноста, а воедно ќе се зголеми и безбедноста на сите учесници во сообраќајот.
Во насока на зголемување на безбедноста во движењето на учениците во ОУ „Кочо Рацин“, ќе биде поставена безбедносна ограда од страната на училиштето, ќе бидат поставени посебни ленти пред пешачките премини, а ќе бидат поставени и семафори кои ќе трепкаат со жолто светло со цел да ги предупредат возачите дека треба да бидат внимателни. Дополнително, на потегот пред училиштето ќе биде ограничен сообраќајот на брзина до 30 километри на час, за што ќе биде поставена соодветна хоризонтална и вертикална сообраќајна сигнализација.
На терен работат екипите на градежната компанија „Жикол“ од Струмица, додека Градот Скопје во овој проект вложи околу 39 милиони денари.
- ВЕСТИ
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ