ПРОГЛАСУВАЊЕ НА НАЈДОБРИOT ПОЛИЦАЕЦ, ПОЖАРНИКАР И КРВОДАРИТЕЛ НА ГРАД СКОПЈЕ 10.3.2017
Градоначалникот на Град Скопје, Коце Трајановски, денеска свечено им ги додели наградите на најдобиот пожарникар, полицаец и крводарител на територија на град Скопје за 2016 година. За најдобар пожарникар е прогласен Ѕвонко Стојановски, спасител во Бригадата за противпожарна заштита на Град Скопје, најдобар полициски службеник за 2016 година е Марјан Димитриевски, вработен во Полициска станица од општа надлежност „Гази Баба”- Скопје, а за најдобар крводарител е прогласен Љупчо Велковски.
- Град Скопје традиционално ја доделува наградата за најдобар полицаец, пожарникар и крводарител на територија на град Скопје за тековната 2016 година. Наградата е парична и изнесува 10. 000 денари, a ги наградуваме најпожртвуваните, најхрабрите и најхуманите со цел да ги поттикнеме граѓаните на Скопје и тие да станат пожртвувани, храбри и хумани. Сакам да им честитам на наградените за постигнатиот успех и да им порачам и во иднина да бидат добар пример за своите колеги и сограѓани,истакна градоначалникот Трајановски.
Најдобар пожарникар за 2016 година е Ѕвонко Стојановски- спасител во Бригадата за противпожарна заштита на Град Скопје, има 27 години стаж, а во текот на изминатата година се истакнал со особено ефикасно и успешно работење. Имено, во рамките на неговата работа учествувал во гаснењето на над 50 пожари и технички интервенции и придонел за намалување на материјалните штети и за спасување на човечки животи.
Најдобриот полицаец за 2016 година е Марјан Димитриевски, вработен во Полициска станица од општа надлежност „Гази Баба”- Скопје, има 24 години стаж, а во изминатата година остварил надпросечни резултати и пожртвувано ги извршувал службените задачи.
Најдобриот крводарител, Љупчо Велковски, досега во изминатите години има 120 дарувања крв и редовно 4 пати годишно дарува крв со што треба да претставува пример и поттик за сите млади дарители чија мисија е да спасат човечки живот.
- ВЕСТИ
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ