Градот Скопје реагира на информации објавени во неколку медиуми каде истите инсинуираат дека Градот Скопје наводно ќе потрошел 570 илјади евра за одржување и осветлување на градските часовници.

Сметаме дека информациите објавени во овие стории содржат невистините елементи и дека истите ги наведува читателите дека целокупните издвоени средства ќе се користат само за одржување на градските часовници.

Сакаме да ја информираме јавноста дека станува збор за обемна постапка која е деллива на три посебни делови со која се покриваат голем број на активности и обврски на Градот Скопје.

Тука влегува одржување и реконструкцијата на целосното улично и јавно осветлување и времени приклучоци (26,5 милиони денари), јавното осветлување на голем број на јавни објекти, како што се поголем број на објекти на плоштадот Македонија, Скопското кале, мостови... (5,5 милиони денари), како и за одржувањето на поголемиот број на градски часовници во Скопје (1,1 милион денари).

Ако се земе во предвид дека за одржувањето на градските часовници се наменети исклучително мал процент од целосната набавка, сметаме дека насловот на овие  стории е несоодветен и може да ја  доведе јавноста до заблуда.