![](/media/2026/asfaltiranje-na-avtobusko-stojaliste-na-bul-partizanski-odredi-2017-naslovna.jpg)
РЕКОНСТРУИРАНИ АВТОБУСКИТЕ СТОЈАЛИШТА НА БУЛЕВАРОТ ПАРТИЗАНСКИ ОДРЕДИ, КАЈ БУЊАКОВЕЦ 22.6.2017
Екипите на Градот Скопје денеска /22.05.2017 година/ го асфалтираат автобуското стојалиште „Соборен храм“, на булеварот Партизански одреди, кое се реконструираше во изминативе неколку дена.
Во увид на градежните работи на ова автобуско стојалиште денеска беше градоначалникот на Град Скопје, Коце Трајановски.
Во текот на градежните работи беше изгребан стариот вдлабнат и оштетен асфалт на должина од 120 метри, беше извршена санација на долниот тампонски слој и беше вградена полимерна мрежа. Финалниот асфалтен слој што се нанесува е од типот Сплит Мастикс 16.
Во текот на изминативе денови екипите на Град Скопје го реконструираа и автобуското стојалиште пред Порта Буњаковец, на булеварот Партизански одреди. Постојниот вдлабнат и оштетен асфалт на ова автобуско стојалиште беше изгребан на должина од 70 метри, се изврши санација на долниот тампонски слој, беше вградена полимерна мрежа и беше нанесен нов асфалтен слој од типот Сплит Мастикс 16.
На реконструкција на овие две автобуски стојалишта на булеварот Партизански одреди работеа екипите на градежната компанија ДПТУ „Ескаватори“ МК ДООЕЛ, а Градот Скопје за овој зафат одвои вкупно околу 6,8 милиони денари.
Во наредниот период Градот Скопје ќе работи на реконструкција на уште три автобуски стојалишта - пред Градежниот факултет и отспротива, на булеварот Партизански одреди, како и пред автобуската станица кај спортската сала во Автокоманда, на булеварот Александар Македонски.
- ВЕСТИ
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ