![](/media/1442/rekonstrukcija-na-velo-pateka-dolz-8-septemvri-naslovna.jpg)
ПРОДОЛЖУВА РЕКОНСТРУКЦИЈАТА НА ВЕЛОСИПЕДСКИТЕ ПАТЕКИ ВО СКОПЈЕ 08.2.2018
Продолжуваат активностите на Градот Скопје за реконструкција на постојната и изградба на нова велосипедска инфраструктура во Скопје.
Деновиве екипите на ЈП „Улици и патишта“, по налог на Градот Скопје, вршат градежни работи на велосипедско-пешачката патека по должината на булеварот „8 Септември“, на потег од крстосницата со булевар „Партизански одреди“ до крстосницата со булевар „Илинден“.
Оваа велосипедско-пешачка патека е дел од поврзувањето кое се реализира во рамки на проектот „Скопје Велоград“ и истата е со вкупна должина од околу 2 километри, на потег од раскрсницата со булеварот „Митрополит Теодосиј Гологанов“ до раскрсницата со улица „Скупи“ (Хубо Маркет). По завршувањето на овој дел од велосипедската патека градежните работи ќе продолжат и на преостанатиот дел на ова поврзување.
Овој конектор е од исклучителна важност поради тоа што истиот треба да ги поврзе рутите 1 и 3, поточно велосипедската патека по должината на булеварот „Илинден“ (рута 1) со велосипедската патека по должината на булеварот „Митрополит Теодосиј Гологанов“ (рута 3).
Градот Скопје ги продолжува своите активности и заложби да прерасне во велосипедска метропола. Во оваа 2018 година во буџетот на Град Скопје за изградба и реконструкција на велосипедски патеки се предвидени 30 милиони денари.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност