АКЦИЈА ЗА САДЕЊЕ ДРВЈА НА ГРАД СКОПЈЕ 13.1.2016
Градоначалникот на Град Скопје, Коце Трајановски, градоначалникот на Општина Чаир, Изет Меџити и директорот на ЈП„Паркови и зеленило“, Душан Авировиќ, денеска /21.12.2015 година, понеделник/, учествуваа во садењето 50 листопадни садници во Парк –игралиштето во Топанско Поле, како дел на есенската акција за садење 5. 000 дрвја на територијата на градот.
- Денеска во рамките на есенската акција на Градот Скопје во која ќе бидат засадени 5.000 садници во дрворедите на булеварите, во парковите и во блоковското зеленило на општините, во Парк –игралиштето во Топанско Поле ќе се засадат 50 листопадни дрвца од видовите Platanus acerifolia (платан) 25 садници, лириодендрон 10 садници и липи 15 садници. Дел од садниците се од наше произвоство од расадникот во Бутел, а дел се увозни. Инаку, во општина Чаир во текот на акција ќе бидат засадени вкупно 305 листопадни садници во Парк Чаир, на булеварите Босна и Херцеговина и Македонско-косовска бригада и на улиците Лазо Трповски, Џон Кенеди, Кемал Сејфула, Дижонска, Христијан Тодоровски –Карпош, како и на други улици и локации каде што стручните служби од Градот Скопје и од ЈП „Паркови и зеленило“ ќе утврдат дека има потреба и може да се засадат нови садници. Екипи на Градот во месец октомври во овој Парк –игралиште поставија хидрантска мрежа со систем за полевање со 72 прскалки, а за реализација на овој проект беа издвоени 900.000 денари од Буџетот на Град Скопје. На терен работеа екипи на ЈП „Паркови и зеленило“. Како што веќе најавивме акции за засадење планираме да организираме и во текот на 2016 година, пролетна и есенска, се со цел на граѓаните на Скопје да им ги подобриме условите за живот- истакна градоначалникот Трајановски.
Градоначалникот на Општина Чаир, Изет Меџити, се заблагодари на Градот Скопје за садењето во неговата општина и нагласи дека со садењето во овој парк на граѓаните од оклоните згради ќе им се создадат попријатни услови за одмор и рекреација.
- ВЕСТИ
- 13.09.2024 - Соопштение за јавност
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност