Денеска /29.01.2016 година, петок/ се одржа дваесет и втората седница на Координативното тело на градоначалници на Скопје, на којашто се дискутираше на неколку теми, меѓу кои и степенот на реализација на проектите во општините.

На седницата се говореше за процесот за наплатата на данокот на имот во Скопје, подготовките за изработката и дистрибуцијата на решенијата за данок на имот за 2016 година. И оваа година, Град Скопје ќе ги изработи решенијата и истите ќе бидат дистрибуирани преку Македонски пошти за 7 општини, додека 3 општини годинава сами ќе ги дистрибуираат истите.

Покрај данокот за имот, на Координативното тело на градоначалници на Скопје  се дискутираше и за процесот на подготовка на регулациони планови, за времени објекти и урбана опрема на подрачјето на Град Скопје, како и можноста за вклучување на општините во проектот „Купи куќа, купи стан“ и „Купи куќа за млади“.