![](/media/1484/sednica-na-sovet-1.jpg)
ШИЛЕГОВ: НАМЕСТО ЗА ГРАЃАНИТЕ, ВОДАТА ЌЕ ПОСКАПИ ЗА КОМПЛЕКСОТ ЖЕЛЕЗАРА 12.4.2018
Советот на Град Скопје, на предлог на градоначалникот Шилегов, денеска како прва точка на дневниот ред ја стави и ја усвои новата зголемена цена на водата што ќе ја плаќа „РЖ Услуги АД Скопје“ (комплексот Железара), како надоместок за трошоците за доведената вода.
За предлогот на градоначалникот Шилегов за поскапување на водата за комплексот Железара, гласаа 38 советници, односно сите присутни на денешната седница.
Со оваа одлука Советот на Град Скопје законски го регулира надоместот за трошење на вода на овој индустриски капацитет.
Овој капацитет воопшто не плаќаше за оваа услуга во периодот од 1997 година до почетокот на 2016 година, кога РЖ Услуги АД Скопје почнаа да плаќаат симболична цена од 2,54 денари, а од 2017 година 3,55 денари за кубен метар вода. Сумата што ја плаќале досега е за 10 пати пониска од цената што ја плаќаат жителите на Скопје, а околу 16 пати пониска од цената што ја плаќаат другите правни субјекти во Скопје.
-Со новата цена што ќе ја плаќа „РЖ Услуги АД Скопје“ ќе го подобриме и финансиското работење на ЈП „Водовод и канализација“ и се отвора доволно простор тоа да побара од Регулаторната комисија да ја преиспита цената на водата во градот Скопје, а јавното претпријатие да може да ги сервисира обврските коишто произлегуваат од изработка на колекторскиот систем и пречистителната станица во 2022 година - кажа градоначалникот Шилегов.
Со оваа одлука се воведува нова цена за услугата што ја добиваат „РЖ Услуги АД Скопје“ имајќи ги предвид реалните трошоци на ЈП „Водовод и канализација“ за вршење на оваа услуга и со истата се предвидува скалесто поскапување, па до 2021 година треба да се изедначи со цената на водата што ја плаќаат другите правни субјекти во Скопје.
Цената на водата што ќе ја плаќа „РЖ Услуги АД Скопје“ за 2018 година ќе изнесува 11,65 денари за кубен метар вода, во 2019 година 22,75 денари, 2020 година 34,20 денари, за во 2021 година истата да биде 46,63 денари за кубен метар вода.
За потсетување, овие компании на годишно ниво трошат екстремно големо количество вода, и за минатата година имаат потрошено 4.857.073 кубни метри вода, или околу 30 проценти од вкупнато количество од изворот Рашче.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност