Денеска /11.05.2017 година, четврток/ Советот на Град Скопје ја одржи својата седумдесет и деветта седница, каде беа усвоени поголем број на одлуки.

На седница на Советот на Град Скопје беа усвоени извештајот за извршување на Буџетот на Град Скопје за 2017 година за периодот 01.01.- 31.03.2017 година и информацијата во врска со Дрисла ДОО.

На седницата Советот на Град Скопје беа донесени следните одлуки: Одлука за примање донација од Стопанска Банка АД Скопје; Одлука за одобрување набавка на основни средства за потребите на Територијалната противпожарна единица на Град Скопје; Одлука за одобрување набавка на основни средства (патнички моторни возила и метални архивски ормари); Одлука за ослободување на инвеститорот од плаќање на надоместок за уредување на градежно земјиште за изградба на верски објект; Одлука за изменување и дополнување на Одлуката за определување на максимален износ за доделување на поединечна субвенција на граѓани за купување на велосипеди за 2017 година; Одлука за давање согласност на Одлуката за отпис на сметководствена евиденција на основни средства на Луна ДООЕЛ Скопје; Одлука за давање согласност на Ценовникот за утврдување вредност на хортикултурно уредени зелени површини на ЈП Паркови и зеленило Скопје; Одлука за давање согласност на Ценовникот за услуги од механизација на ЈП Паркови и зеленило; Одлука за давање согласност на Ценовникот за изменување и дополнување на Ценовникот на саден материјал кој ЈП Паркови и зеленило го набавува од Флораком ДООЕЛ; Одлука за давање во сопственост на преносни компјутери на членовите на Советот на Град Скопје во мандатниот период 2013-2017 година; Одлука за ослободување на инвеститорот од плаќање на надоместок за уредување на градежно земјиште за изградба на спортски терени и TV Compaund, како и годишниот извештај на Секторот за внатрешни работи Скопје за 2016 година.