Градот Скопје ги информира граѓаните дека вчеравечер (19.07.2018 година, четврток) јавното претпријатие „Улици и патишта“ спроведоа акција за ноќно бележење на хоризонталната сигнализација на повеќе градските улици и булевари во Чаир.

Во вчерашната акција беа опфатени булеварите „Цветан Димов“ и „Христијан Тодоровски Карпош“ и улицата „Втора македонска бригада“, каде што рачно и машински со бела боја беа бележени сообраќајните ленти, пешачките премини и велосипедските патеки на коловозите.

Покрај бележењето на хоризонталната сигнализација, продолжија и активностите за поставување гумени столпчиња на велосипедската патека на коловозот на улицата „Втора македонска бригада“.

Ноќно бележење на хоризонталната сигнализација ќе продолжи да се реализира на повеќе локации низ градот и во наредниот период.