Во рамките на Улични музичари и артисти,  и годинава  се реализира  проектот „Скопски летен ритам“, на централoто градско подрачје, односно на плоштадите Мајка Тереза пред објектот на  Македонска опера и балет, на Плоштад ВМРО, Плоштад Македонија и на Плоштадот Богородица.

Овој проект е под покровителство на Град Скопје, а во организација и реализација на ЈУ Конгресен Центар Александар Македонски – Скопје.

Проектот Скопски летен ритам  се одржува на повеќе плоштади на централното градско подрачје и има за цел културно  да ги  заживее плоштадите преку  урбаната култура, односно да се понуди културна содржина која е достојна на една метропола. Програмата е разновидна и богата и има за цел да генерира нова и стара публика преку квалитетна  културно-уметничка програма што  е наменета за граѓаните и туристите, коишто во летниов период  престојуваат во нашиот град.