Градот Скопје, како град на солидарноста, упати  писмо со сочувство до граѓаните на Мексико по повод катастрофалниот земјотрес во централниот дел на  нивната земја.

 Во овие трагични моменти, од името на граѓаните на Град Скопје примете го нашето искрено сочувство за изгубените човечки животи во оваа катастрофа, иако нема зборови коишто можат да ја намалат  Вашата тага и тагата на граѓаните на Соединетите Мексикански Држави,  со надеж ваквите трагедии никогаш повеќе да не се повторат.

Пред 54 години на 26 јули 1963 година, градот Скопје, исто така, беше претворен  во урнатина од катастрофален земјотрес. Во тоа време, кога многу граѓани го загубија својот живот, а преостанатите останаа без место за живеење, Мексико му помогна на уништеното Скопје.

Во духот на пријателството и солидарноста што нашите народи ја негуваат, Ви стоиме на располагање за секаков вид помош што Град Скопје може да ја обезбеди.

Граѓаните на Скопје