Екипите на зимската служба на Град Скопје во текот на изминатото деноноќие фрлија 280 тони сол за расчистување на снегот од градските улици и булевари.

Денеска екипите нa ЈП „Комунална хигиена“ се на терен и го расчистуваат  мразот од тротоарите, а екипите на ЈП „Водовод и канализација“ ги чистат шахтите и сливниците.

Градот Скопје будно ја следи состојбата на терен и ќе интервенира според потребите.

Градот Скопје им препорачува на возачите да возат внимателно и да се придржуваат на условите на коловозите. Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување.

Апелираме до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.