Во рамките на програмските активности на Градот Скопје во сферата на образованието, а во функција на пошироката јавна промоцијата и афирмација на врвните постигања на средношколците, утре /14.06.2017 година, среда/, со почеток во 14 часот, во Сити хол до МКЦ, ќе се одржи веќе традиционалната манифестација „Средба на првиот со најдобрите“.

На средбата, Градоначалникот на Град Скопје, Коце Трајановски, на 25 матуранти првенци на генерацијата, од 21 скопски средни училишта, ќе им врачи специјални признанија и парични награди.