Градоначалникот на Град Скопје, Коце Трајановски денеска /02.02.2016 година, вторник/ оствари средба со Џо Грини, Директор на Западниот бизнис иновативен центар во Галвеј, Ирска (West Business Innovation Center) и Претседавач на Асоцијацијата на центри за развој на бизнисот на Европската Унија во Ирска и Илиjа Вучков, Претседател на Европско-Македонскиот центар за иновации и знаење (EMKICE).

На средбата е дискутирано за продлабочување на соработката на Град Скопје со Асоцијацијата на центри за развој на бизнисот на Европската Унија во Ирска и работа на полето на бизнис иновациите. Дополнително е дискутирано за  формирање  Бизнис иновативен центар во Скопје и негово вклучување во европската мрежа на вакви центри.

Џо Грини е поранешен претседател на Европската бизнис иновативна мрежа (http://ebn.eu), која е основана од Европската Комисија и во неа се вклучени 165 бизнис иновативни центри (BIC) низ Европа.