![](/media/1903/sredba-so-borni-noavm-13-noemvri-2017-naslovna.jpg)
СРЕДБА НА ГРАДОНАЧАЛНИКОТ ШИЛЕГОВ СО БОРЦИТЕ ОД ГРАДСКИОТ ОДБОР НА НОАВМ 17.11.2017
Во чест на 13. Ноември, Денот на ослободувањето на Скопје, градоначалникот на Град Скопје, Петре Шилегов, денеска /13.11.2017 година/ се сретна со претставници на Градскиот одбор на Сојузот на борци од Народноослободителната антифашистичка војна на Македонија.
- Денеска за првпат ја имам честа да Ви се обратам како градоначалник на Градот Скопје и да Ви се заблагодарам што ја подаривте вашата младост на овој град и што ни ја подаривте слободата. Генерации пред нас копнееја и тежнееја да го остварат сонот за независна македонска држава. Вашата генерација ја извојува таа победа и го ослободи градот и земјата од фашизмот. Борбата за слобода е перманентна, и нашата генерација е исправена пред сериозни предизвици. Редно е да ставиме крај на омразата и поделбите, за да оставиме нешто добро за генерациите што доаѓаат по нас. Скопје заслужува многу да вложиме во него, и како луѓе и материјално. Очекувам оваа убава традиција на средби да продолжи, да го славиме овој ден, да оддадеме почит на загинатите борци за слобода и со пригодна програма да го одбележиме Денот на ослободувањето на Скопје – рече градоначалникот Петре Шилегов, на средбата со борците.
Трајко Стаматовски, претседателот на Градскиот одбор на Сојузот на борци од НОАВМ рече дека се надева дека соработката меѓу Градот Скопје и Градскиот одбор на Сојузот на борци во иднина ќе се продлабочи, во знак на почит кон минатото, сегашноста, но и кон иднината.
- ВЕСТИ
- 11.09.2024 - Соопштение за јавност: Град Скопје поднесе 20 проекти на јавниот повик на Владата
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ