Големата летна забава „Супер Скопје“ продолжува овој викенд во Старата скопска чаршија.

На 25 август (петок) забавата ќе биде на плоштадот Скендер Бег и ќе започне во 21 часот и каде ќе настапат Трикс (Trix), Гоца Тржан, Цена (Cena) и Гоце САФ.

На 26 август (сабота) забавата ќе биде на плоштадот пред „Свети Спас“ каде забавата ќе започне во 21 часот и ќе настапат Офкестра (Offcestra), Фанки Гуру (Funky Guru), Енерџи бенд (Energi bend) и Фиц (Студени нозе).

Проектот „Супер Скопје“ доаѓа на предлог и иницијатива на сопственици и менаџерите на угостителски објекти од повеќе локации од Скопје, а истиот е во насока на подобрување на културно-забавната понуда во Скопје.

Главен организатори на „Супер Скопје“ е ЈУ „Конгресен центар Александар Македонски“, а за реализацијата се задолжени „Горила Вајлд ентертејмент груп“ (Gorilla wild entertainment group).

За потсетување, согласно одлука на Советот на Град Скопје, вечерите кога се одржува „Супер Скопје“ работното време на угостителските локали е продолжен за еден час .