Учениците  учесници на натпреварот за „Еногастрономија“ во Болоња, Италија и директорот на СУГС „Лазар Танев", Зоран Николовски, вчера остварија средба со градоначалникот на Град Скопје, Коце Трајановски, на којашто разговаа и му ги пренесоа импресиите и деталите за натпреварот.

 Христијан Николовски од средното угостителско-туристичко училиште на Град Скопје „Лазар Танев" го освои првото место во Европа на натпреварот за бармени во Болоња, Италија.

СУГС „Лазар Танев"  го освои и високото четврто место  на вториот натпревар за „Еногастрономија“, на којшто учениците од ова средно училиште ја презентираа Македонија со сите еногастрономски карактеристики пред над 20. 000 посетители на плоштадот  во Болоња, Италија.

Штандот  на нашето училиште „Лазар Танев" доби убедливо најголем број  гласови од посетителите, односно 6.388 гласови, во конкуренција од вкупно 68 штандови (училишта) од Италија и 15 странски држави.

Успесите коишто во изминативе години ги имаат учениците на СУГС „Лазар Танев", што се преточени во голем број освоени награди на повеќе натпревари се голема промоција на Република Македонија на туристичките и на еногастрономските потенцијали пред Европа....