Градоначалникот на Град Скопје, Коце Трајановски и градоначалникот на Општина Гази Баба, Тони Трајковски денеска /10.09.2017 година, недела/ присуствуваа на отворањето на традиционалниот турнир во мал фудбал „8 Септември“, коишто се одржува по повод Денот на независноста на Република Македонија.

Ова е 10-то јубилејно издание на овој турнир, кои и оваа година ќе се одржи на спортското игралиште во населбата Триангла, а истото е финансиски поддржано од страна на Градот Скопје и Општина Гази Баба.

Градоначалникот Трајановски се обрати пред присутните, посакувајќи им добра забава, фер плеј игра, многу среќа и умешност.

- Градот Скопје и Општина Гази Баба како покровители на овој настан, Ве покануваат во наредните триесеттина дена на еден од најголемите турнири во мал фудбал во Македонија, низ фер плеј игра и фудбалски мајстории, заедно да се дружиме и да им дадеме поддршка на овие фудбалери. Радува податокот дека секоја година се пријавуваат се повеќе екипи од повеќе општини од Скопје и од Македонија, дека одгласот во публиката е се поголем, а дека за афирмацијата на турнирот, покрај организаторите и покровителите, секако се заслужни и бројните спонзори коишто обезбедија вредни награди – кажа градоначалникот Трајановски.

На турнирот „8 Септември“ оваа година учество ќе земат над 50 екипи, кои ќе се натпреваруваат во 8 групи, при што најдобрите 4 екипи од секоја група ќе поминат во елиминационата фаза.