![](/media/1346/utrinska-akcija-za-otstranuvanje-na-divopostaveni-tezgi-2.jpg)
УТРИНСКА АКЦИЈА ЗА ОТСТРАНУВАЊЕ НА ДИВОПОСТАВЕНИ ТЕЗГИ НА ТРОТОАРИ И ЗЕЛЕНИ ПОВРШИНИ 11.7.2018
Градот Скопје денеска во координација со Државниот пазарен инспекторат и МВР, како и со асистенција на ЈП „Улици и патишта“ за утовар, спроведе акција за отстранување нелегални продавачи на улицата „Брадфордска“ во Козле, кај мостот „Влајко“ во Влае и на булеварот „Трета македонска бригада“ во Аеродром.
Во рамките на оваа акција беа запленети над 10 тони стока, која по направените записници од пазарната инспекција беше однесена во Агенцијата за управување со одземен имот. Градот Скопје изрече вкупно 8 казни на нелегалните продавачи по основ прекршување на Законот за јавна чистота.
Оваа акција беше спроведена по барање на околните жители, за да се стави крај на нехигиената и нередот што зад себе го оставаат нелегалните продавачи, како и по барање на продавачите што имаат закупено тезги на зелените пазари и уредно плаќаат за користење на тие тезги со цел заштита од нелојална конкуренција. Нелегалните продавачи на посочените локации минатата недела беа предупредени да ги отстранат своите импровизирани тезги, бидејќи во спротивно ќе им биде одземена стоката и ќе им бидат изречени казни.
Градот Скопје идната сезона ќе се залага за соработка со општините со цел регулирање на начинот на сезонската продажба на ваквата стока.
Градот Скопје, Државниот пазарен инспекторат и Министерството за внатрешни работи имаат еднаков пристап и кон нелегалните продавачи на Битпазар, како и на сите други локации во градот. Отстранувњето на нелегалните продавачи од повеќе локации низ градот ќе продолжи и во наредниот период во насока на воспоставување ред за пофункционален и побезбеден град.
- ВЕСТИ
- 07.09.2024 - Соопштение за јавност
- 06.09.2024 - Jавен повик за времено работно ангажирање на образовни асистенти-проект за општествено корисна работа
- 03.09.2024 - Соопштение за јавност
- 02.09.2024 - Соопштение за јавност
- 02.09.2024 - Соопштение за јавност
- 30.08.2024 - Отворено писмо до Претседателот на Владата на РМ
- 29.08.2024 - Соопштение за медиуми
- 27.08.2024 - Соопштение за јавност
- 26.08.2024 - Соопштение за јавност: ЗАЕДНО ЗА ЧИСТ ВОЗДУХ
- 23.08.2024 - Соопштение за јавност