Членот на Советот на Град Скопје, Енвер Малиќи е новиот заменик градоначалник на Скопје. Со ова решение Малиќи ќе го заменува градоначалникот на Град Скопје во време на спреченост или отсуство, односно ќе ги извршува сите обврски и ќе ги има сите овластувања во надлежност на градоначалник во согласност со закон.

Малиќи денеска оствари средба со градоначалникот Шилегов и дискутираа за идната соработка и предизвиците кои ги очекуваат.

Енвер Малиќи е избран за член на Советот на Град Скопје на локалните избори што се одржаа на 15 октомври 2017 година, од советничката листа на Демократската унија за интеграција.

Малиќи е долгогодишен стопанственик, сопственик на компанијата „ГЕМАК Трејд“, како и хотел „Парк Хотел и Спа“.