![](/media/11019/обј-4-3.jpeg)
Соопштение за јавност: Одбележан 20 Мај – Денот на македонските пожарникари 20.5.2024
Град Скопје во Територијалната противпожарна бригада, денеска го одбележа 20 Мај - Денот на пожарникарите. Свеченоста почна со постројување на пожарникарите, а командантот на Противпожарната бригада на Град Скопје, Звонко Томевски, поднесе рапорт на градоначалничката на Град Скопје Данела Арсовска.
Градоначалничката Арсовска им се заблагодари на скопските пожарникари за професионалноста, посветеноста и пожртвуваноста што ја покажуваат секој ден, несебично вршејќи ја својата професија во заштита на безбедноста на граѓаните.
![](/media/11017/обј-6.jpeg)
Припадниците на нашата Територијална противпожарна бригада секогаш се подготвени брзо да дејствуваат за да ја заштитат нашата безбедност и сигурност, изложувајќи се на опасни и тешки задачи во кои животите на другите ги ставаат пред својот. Работата и континуираното докажување ги прави врвни професионалци со кои сите се гордееме.
![](/media/11018/обј-5-2.jpeg)
Градоначалничката на Град Скопје Данела Арсовска на денешната свеченост им додели плакети за особен придонес во реализирање на активности на БППЗ Скопје на Соколовски Марјанчо, Трајчевски Пепи и Здравковски Златко. На свечената церемонија, се обрати и командантот на БППЗ на Скопје Звонко Томевски, зборувајќи за секојдневните предизвици и напори кои ги вложуваат пожарникарите во заштитата и безбедноста на животите на граѓаните и на приватниот и јавниот имот и материјалните добра. Особено ја истакна соработката и разбирањето на Град Скопје за состојбите и упати голема благодарност за напорите што се вложуваат во однос на унапредувањето на работните и материјалните стандарди на пожарникарите.
![](/media/11022/обј-1-5.jpeg)
![](/media/11021/обј-2-4.jpeg)
![](/media/11020/обј-3-4.jpeg)
- ВЕСТИ
- 02.07.2024 - Соопштение за јавност
- 01.07.2024 - Соопштение за јавност
- 01.07.2024 - Соопштение за јавност
- 29.06.2024 - Соопштение за јавност
- 29.06.2024 - Соопштение за јавност
- 26.06.2024 - Соопштение за јавност
- 21.06.2024 - Соопштение за јавност
- 20.06.2024 - Соопштение за јавност
- 19.06.2024 - Соопштение за јавност
- 17.06.2024 - Соопштение за јавност