Во просториите на Град Скопје се одржуваат комисии на Советот на кои советниците ги дискутираат точките што се од интерес на граѓаните, а се на дневниот ред на денешната 14-та седница.

На Комисијата за урбанизам и сообраќај се дискутираше за Предлог- програмата за изменување и дополнување на Програмата на активности од областа на сообраќајот на подрачјето на град Скопје за 2026 година; за изменување и дополнување на планот на програмите за развој за периодот 2026-2028 година; поготовка за изработка на Генерален урбанистички план на град Скопје, како и за давање субвенции на Градски паркинг – Скопје и на ЈСП „Скопје“ – Скопје за 2026 година.

Предлогот за изменување и дополнување на Буџетот на Град Скопје за 2026 година и Предлог-планот за изменување и дополнување на планот на програмите за развој за периодот 2026-2028 година беа темите за кои се разговараше на Комисијата за буџет на Советот.

Советниците во Комисијата за социјална и здравствена заштита и заштита на децата на Советот на Град Скопје дискутираа за Предлог-програмата за изменување на Програмата за активностите во областа на социјална, детска и здравствена заштита во град Скопје за 2026 година.

Од областа на културата Комисијата ги разгледуваше Предлог-програмата за изменување и дополнување на Програмата за финансирање на јавните установи и активностите од областа на културата од интерес на Град Скопје за 2026 година и Предлог-планот за изменување и дополнување на Планот на програмите за развој за периодот 2026-2028 година.

На Комисијата за верификација, мандатни прашања, признанија, претставки и поплаки на Советот на Град Скопје стана збор за Предлог-одлуката за формирање Совет за заштита на потрошувачите на град Скопје.

Комисијата за прописи и административни работи на Советот на Град Скопје, работеше на повеќе точки за кои ќе расправаат и дискутираат советниците на претстојната 14-та седница.