Изградба на нова инфраструктура во општина Шуто Оризари 31.8.2022

Денес проектот кој го најави градоначалничката Арсовска на прес-конференција со кој се предвидува изградба за првпат на крак 18 на улицата Македонско косовска бригада, беше изгласан на 16-та седница на Советот.  Со воспоставување меѓуопштинска соработка помеѓу Град Скопје и Општина Шуто Оризари за реконструкција на улица „Македонско Косовска Бригада“, крак 18 се исполнува едно од барањата на жителите во Шуто Оризари.
- Во општината Шуто Оризари жителите се соочуваат со бројни предизвици, а на нивно барање како еден од приоритетите е за првпат изградбата на крак 18 на улицата „Македонско Косовска Бригада“. Овој проект кој е оценет како еден од заедничките приоритети ќе се реализира од страна на ЈП Улици и патишта, по налог на Град Скопје. Со реализацијата на овој проект, граѓаните на Шуто Оризари добиваат 1165 квадратни метри нова патна инфраструктура и решение за долгогодишни проблеми во овој дел од градот. Нашите сограѓани заслужуваат да се слушне нивниот глас и реализираат нивните барања – истакна Арсовска.

Арсовска истакна дека главната цел на тековните градски градежни активности е во Скопје повеќе да нема заборавени населби, туку градот да се развива рамномерно, со реализација на проекти и во урбаниот и во руралниот дел.